Home » , » Lestarikan Ebeg Sebagai Seni Banyumasan

Lestarikan Ebeg Sebagai Seni Banyumasan

Written By umam on 9 Mei 2011 | 5/09/2011 10:36:00 PM


Ebeg yakuwe jenis kesenian tari daerah banyumasan sing nggunakna boneka jaran sing digawe sekang anyaman pring. Tarian ebag nang daerah banyumasan nggambarna prajurit perang sing lg numpak jaran.
Kira-kira kesenian ebeg giye wis ana ket jaman purba gemien, tepate pas menungsa mulai nganut kepercayaan animisme lan dinamisme. Salah siji buktine sing nguatna ebeg nang jajaran kesenian tua yague anane bentuk-bentuk in trance (mendhem/kesurupan), bentuk bentuk kaya gue dadi ciri nang kesenian ebeg.

Nang kesenian ebeg sing dienteni nang para penonton biasane yakuwe salah siji aktraksi nang tengah tampilane. Atraksine gue sing dikenal nang banyumasan mendhem (in trance).
Sing dolanan padha mendhem, nembe atraksi-atraksi unike metu. Ana sing pada mangan beling utawa pecahan kaca, mangan godhong-godhongan mentah, mangan pitik esih urip, trus kaya kethek lan liya-liyane.

Tontonan ebeg gie biasane diiringi nganggo alat musik sing diarani bendhe, alat musik gie duwe ciri fisik kaya gong tapi bentuke lewih cilik, terus digawe sekang logam.

Anane perkembangan budaya nang banyumasan, seni pertunjukan kiye sing awale nggo sarana ritual siki malik dadi bisnis seni pertunjukan. Nang Seniman banyumasan, seni ebeg siki wis akeh perubahane. Kaya bentuk iringane, gerakan para penarine, klambi karo uba rampene.
Share this article :

0 comments:

Arsip Curahan

 
Support : Your Link | Your Link | Your Link
Copyright © 2013. Curahan Tangan - All Rights Reserved
Template Created by Creating Website Published by Khotibul Umam
Proudly powered by Blogger